Сиз, балким, коммуникациялык тренинг эмнеге керек экенин ойлонуп жатасыз. Кантсе да, биз дээрлик бүт өмүрүбүздү социалдык чөйрөдө өткөрөбүз, ошондуктан аны кантип жасоону билебиз деп ишенебиз.
Бирок, коммуникация көндүмдөрүн тигил же бул формада окутуу финансылык институттардын кызматкерлери өтүшү керек болгон окутуунун милдеттүү бөлүгү болуп саналат. Бул эмне үчүн керек?
Себеби жөнөкөй: баарыбыз күн сайын баарлашканыбыз менен, бул баарыбыз бирдей жакшы жана натыйжалуу баарлашабыз дегенди билдирбейт. Көпчүлүгүңүз бала кезиңизде "бузулган телефон" ойногонсуз жана дээрлик бардыгы сиздин сөздөрүңүз же сырткы келбетиңиз туура эмес түшүнүлүп, чечмеленген жагдайларга туш болушкан.
Финансылык мекемедеги сиздин жумушуңуздун бир бөлүгү кардарлар менен иштөө. Бул жөнөкөй сезилет, бирок чындыгында - сиз буга чейин балким түшүнгөндөй - кардарлар менен натыйжалуу баарлашуу алгач көрүнгөндөн алда канча татаал.
Бул курстун максаты - ийгиликтүү жана натыйжалуу баарлашуу үчүн маанилүү болгон коммуникациянын негиздери жөнүндө маалымдуулукту жогорулатуу.
Курстун аякташы боюнча сиз башкалар менен кантип тил табышуу керектигин, түшүнбөстүктөрдөн кантип сактануу керектигин жана маалыматты натыйжалуу алуунун жана жеткирүүнүн ар кандай ыкмаларын үйрөнөсүз.
Албетте, коммуникация принциптери универсалдуу мүнөзгө ээ, ошондуктан аларды ушул курста үйрөнүү менен сиз аларды өз ишиңизде гана эмес, баардык байланыш кырдаалдарында колдоно аласыз.
Курстун орточо узактыгы 2-3 жума. Сабактар орто эсеп менен 45 мүнөт иштөөгө ылайыкталган. Жумасына бир, эң көп дегенде эки сабак окуу сунушталат.